EKKI fulltrúar þjóðarinnar!

Bara svo það sé alveg á kristaltæru, þá er þetta pakk sem djöflast í mótmælum ekki fulltrúar þjóðarinnar, þessi skríll talar ekki fyrir munn þjóðarinnar, og þetta lið endurspeglar ekki hug þjóðarinnar.

Jújú, fólk hefur það erfitt og fáir eru sáttir en að pönkast í einstaklingum og stofnunum með þessum hætti er ekkert annað en ræfilslegt upphlaup athyglissjúkra iðjuleysingja og á ekkert skylt við lýðræði eða málefnanlega umræðu.

Þessi óuppdregnu aumingjar sem ganga um borgina brjótandi og bramlandi hluti á ekkert annað skilið en að lögrelgan taki á þeim af fullri hörku. Það er ótækt að svona lið geti vaðið uppi með ofbeldi óáreitt.

Hættum að hlusta á þennan skríl og hættum að gefa honum svona mikinn gaum þá hættir hann þessu og vonandi fer að gera eitthvað sem nýtist þjóðinni - líklegast hefur allt þetta lið legið á samneysluspenanum alla ævi.


mbl.is Kryddsíld lokið vegna skemmdarverka
Tilkynna um óviðeigandi tengingu við frétt

Skríllinn skríður úr holum sínum

Þetta mótmælendapakk ætlar ekki að láta segjast, hér er þörf á dugnaði og elju, ekki nöldri og upphrópunum.

Reyndar hefur þessi hópur þynnst verulega og eftir standa athyglissjúkir aumingjar sem hafa aldrei unnið handtak á ævinni en telja sig engu að síður þess umkomna að segja heilli þjóð hvernig hún á að standa og sitja.

Það er fátt jafnbjánalegt og að heyra þetta pakk segja sína skoðun á því hvernig hlutirnir eiga að vera - sammerkt með þeim öllum er óskin um að aumingjavæðing landsins verði alger og hér fái allir að lifa á bótum og skrifa ljóð. Bannað verði að virkja fallvötnin, bannað verði að græða, bannað verði að vera ósammála þessum lopapeysukommum, tja í raun verði allt bannað sem er ekki þeim þóknanlegt. Dag eftir dag er trillað fram listaspírum á borð við Einar Má, Guðmund Andra og Einar Kára og þeir hella úr skálum reiði sinnar yfir okkur hin. Þykjast skilja hin flóknu hagfræðilögmál sem yfir okkur dynja með því að búa til hnittnar myndlíkingar, rétt eins og slíkt geri þá sjálfkrafa til þess fallna að segja okkur fyrir verkum.

Ef við förum að hunsa þessa aumingja sem norpa dag eftir dag til að mótmæla sem í raun er þeirra eigin aumingjaskapur, og þegar við hættum að hleypa þessum narsissísku skríbentum upp í hæstu hæðir fjölmiðla, þá getum við farið að vinna okkur út úr þessu. Að hlusta á væluskjóðurnar dag eftir dag skilar engu.


mbl.is Á þriðja hundrað manns mótmæla
Tilkynna um óviðeigandi tengingu við frétt

Skólakrakkahálfvitar

Vá hvað ég skammast mín fyrir samlanda mína sem hegða sér svona.  Smákrakkarumpulýður, góðæriskommar sem eru álíka skynsamir og blómkálshaus.

Í gær henti ein mannvitsbrekkan snjóbolta í einn útrásarvíkinginn.  Fannst það svakalega "frelsandi".  Það er sem sagt orðið frelsandi og þerapjútískt í huga þessara örvita að beita ofbeldi og framfylgja þannig úrskurðum dómstóls götunnar.

Það er ótrúlegt hvað þessir hálfvitar, þessir aumingjar, fá að vaða uppi í fjölmiðlum - snillingar eins og Egill Helgason (Norðurlandameistari í lýðskrumi með frjálsri aðferð) fá að vaða uppi, gubbandi út úr sér ruglinu og vitleysunni.  Slúðrandi eins og versta saumaklúbbskelling. 

Þetta pakk, sem í morgun fer mikinn í bloggi og slefar upp í hvert annað yfir því að Tryggvi Jónsson sé hættur í NBI, heldur að það sé málsvari þjóðarinnar.  Ég er ekki viss um að "þjóðin" sé því fylgjandi að beita þá ofbeldi sem sumir halda að hafi verið ósanngjarnir.  Ég er heldur ekki viss um að "þjóðin" sé því sammála að mótmæli sem ganga út á ofbeldi, ofsóknir og skemmdarverk séu "að svínvirka" þegar þeir sem fyrir slíku verða lúffa.  Eitthvað segir mér að ef hópur fólks tæki sig til að myndi leggja nornina í almennilegt einelti og skemma eigur hennar og ofsækja fjölskyldu, þá myndi hún leggja árar í bát fyrr eða síðar.


mbl.is Mótmælt utan við Fjármálaeftirlitið
Tilkynna um óviðeigandi tengingu við frétt

Loksins pólitíkus sem þorir að segja það sem fólk ÞARF að heyra

Ég hef nú aldrei verið hrifinn af ISG, en þetta er hárrétt hjá henni.  Það er alveg út í hött að reyna að friða skrílinn með einhverjum málamyndaaðgerðum sem skila engu.  Nú er ekki tíminn til að hlaupa á eftir hvaða bloggar sem er sem telur sig vera heilagri en allt sem heilagt er - nú er tíminn til að standa í lappirnar og taka erfiðar ákvarðanir, sama hvað sauðheimskir iðjuleysingjar nöldra.

Það hefði að ósekju mátt skera mun meira niður í utanríkisþjónustunni og í menntamála- og heilbrigðisráðuneytunum og setja stóra hluta þeirrar þjónustu í einkarekstur, þannig mætti ná fram mun meiri hagræðingu og ríkið myndi ekki dæla milljarðatugum í illa rekna heilbrigðisþjónustu.  En einhverra hluta vegna eru stjórnmálamenn hræddir við nöldrandi kommúnista og bloggara sem telja sig málsvara þjóðarinnar.

Gott hjá þér, Ingibjörg, og megir þú eiga þakkir skildar fyrir hreinskilni og yfirvegun.


mbl.is Hátekjuskattur bara táknrænn
Tilkynna um óviðeigandi tengingu við frétt

Hvað gerist ef hér er kosið á vormánuðum?

Ríkisstjórnin er það eina sem stendur á milli siðmenningar og skrílræðis á Íslandi í dag.  Vissulega er ríkisstjórnin ekki að gera góða hluti, en hún er það besta sem við höfum í stöðunni, og gildir einu þó að fámennir hópar safnist saman oft í viku og krefjist skrílræðis; þeir skulu fá að ráða sem hæst baula.

Hvað gerist ef hér er kosið á næsta ári?  Fólk myndi jú kjósa í bræði, þökk sé mannvitsbrekkum eins og Agli Helgasyni sem virðast hafa það eitt að markmiði að espa upp fólk með pöpulisma og slúðri, og viðbúið er að hér myndum við fá Vinstri Græna í stjórn.  Það að fá Vinstri Græna er sennilega það allra versta sem gæti komið fyrir þjóðina, og það sjá í raun allir sem á annað borð hafa snefil af skynsemi.

Vinstri Grænir myndu byrja á því að umturna landinu enn eina ferðina og stefna þjóðinni glórulaust inn í misheppnaða mannfræðitilraun sem myndi hafa það að markmiði að búa til alræði skrílsins.  Hér yrði allt bannað sem ekki yrði leyft, og myndu Steingrímur og Ögmundur skýla sér á bak við "sérstakar" aðstæður sem myndu kalla á ótímabundin og gríðarleg höft á einstaklingsfrels (hér yrði bannað að stofna fyrirtæki, VG myndi sölsa undir sig almennan rekstur í landinu og vísa í að þjóðinni sé best borgið undir verndarvæng hins opinbera).

Tillögur VG undanfarið hafa rennt stoðum undir þetta.  Steingrímur sagði í viðtali að hann sæi framtíð lands og þjóðar í greinum eins og ullariðnaði, skinnavinnslu, kornrækt, og áburðarframleiðslu.  Í atvinnumálum bjóða VGistar upp á hraðvagn beint til 1960, aðra leiðina.  Ef þú ert viðskiptafræðingur, hagfræðingur, eða verkfræðingur þá er ekkert pláss fyrir þig í kommúnískri útópíu Steingríms.

VG myndi byrja á því að stórhækka hér skatta til að koma til móts við þá sem eru á hinum og þessum bótum.  Vissulega á hluti þeirra sem þiggja bætur engra annara kosta völ, en þeir eru líka margir sem í iðjuleysi og afætuhætti leggjast á spenann og heimta að ríkið sjái þeim fyrir öllu (man eftir að hafa lesið viðtal við einn aðila í síðustu viku sem sagði að sér hefði aldrei liðið betur en þegar hann vann svart, borgaði ekki skatta, en börnin hans sóttu skóla og nutu allrar þjónustu hins opinbera).  Það sem myndi gerast að stór hluti fólks sæi engan hvata í að fara að vinna, og myndi því leggjast á hliðina og hirða bætur.  Þar með byggjum við í þjóðfélagi þar sem ríkið eyddi margfalt fleiri krónum en það aflaði, því atvinnuþátttaka myndi stórminnka og þeir sem eftir væru yrðu sífellt meira skattpíndir.

Gríðarlegur fólksflótti myndi eiga sér stað þegar menntað fólk myndi koma sér í burtu til landa þar sem það ætti séns á að skapa sér gott líf fyrir eigin dugnað, en ekki húka á Íslandi þar sem Vinstri Grænir myndu mergsjúga alla þá sem voga sér að hafa tekjur.  

Hér yrðu festar í lög alls kyns kreddur sem VG heldur á lofti og snúa að opinberum afskiptum í lífi þegnanna.  Hér yrði ýmis hegðun sem VG skilgreinir sem "óæskilega" væntanlega bönnuð, hvort sem það er karlremba eða réttur til að velja sér fulltrúa óháð kynferði þeirra.  

Ástandið er erfitt í dag, en með dugnaði er þetta ekkert stórmál.  Með því að segja við fólk, við ætlum að búa svo í haginn að þið fáið að uppskera eins og þið til sáið án afskipta ríkisins, án þess að eiga á hættu að skríllinn komi og hirði uppskeruna, þá náum við í gegnum þetta.

Eins og staðan er í dag, eins og skríllinn hegðar sér og talar, þá mun þjóðin skiptast í tvennt, hinir duglegu munu einfaldlega fara því enginn nennir að dröslast með þetta vinstrapakk á herðunum endalaust, og afæturnar munu verða eftir og mergsjúga hver aðra þangað til ekkert verður eftir nema auðnin ein.

Það er skylda okkar sem viljum efla verðmætasköpun að halda vinstriöflunum frá völdum.  Einungis frelsi einstaklingsins og framtakssemi hans mun skila landinu á réttan kjöl, og það er útilokað að við náum okkur á strik ef fólk eins og Steingrímur og Ögmundur komast til valda með illa ígrunduðu valdaráni næsta vor, í skjóli skrílsins sem baular hvað hæst.

 


mbl.is Mótmælendur eiga ekki að bíta
Tilkynna um óviðeigandi tengingu við frétt

Greinilega próf að klárast

Snillingar.  Mótmælin eru komin í hendurnar á trukkurum sem ganga um, gáfnafarsins vegna, í mokkasínum og grunnskólakrakka sem höfðu helst áhyggjur í síðustu niðursveiflu hvor væri flottari, Tímon eða Púmba.

Nú er bara tímaspursmál hvenær menn eins og Sturla mæta með handklæði um hausinn og segjast vera að berjast fyrir okkur hin, eða að fermingarbörn segist vera að mótmæla, því það sé svo mikil stemming.

Munurinn er sá að síðari hópurinn eldist og þroskast, en fyrri hópurinn keyrir um á margra tonna stálferlíkjum á vegum landsins.  

Guð hjálpi okkur. 


mbl.is Ólæti á þingpöllum
Tilkynna um óviðeigandi tengingu við frétt

Sturla - leitin að týndu heilafrumunni

Mannvitsbrekkan og mælskusnillingurinn Sturla mættur enn á ný að gleða landann á aðventunni.  Hann fer víða í leit sinni að fúnksjónal heilasellu, en hefur ekki erindi sem erfiði.

Er það gríðarlegt óréttlæti að krefjast þess að hann og hans sem tóku lán borgi það til baka?  Og ef þeir eru búnir að skemma bílana sem þeir, skv. samningi, eiga ekki að þeir þurfi að borga fyrir viðgerð á þeim skemmdum?  Er það "engin hemja" að fara fram á slíkt?

Þannig að ef ég lána Sturlu svo hann geti keypt bíl, þá er ég orðinn vondi kallinn þegar hann ákveður að hætta að borga af láninu?  Og þegar ég bið hann um að borga, og hann segir nei, þá er ég bara krímínal ef ég vil fá bílinn til baka sem hann keypti fyrir peningana mína?  Og ég er barasta bara óforskammaður ef ég voga mér að krefja Sturlu um að borga fyrir það að hafa skemmt bílinn og rýrt þannig endursöluverð hans?

Sturla vill sem sagt fá lán til að kaupa sér það sem hann langar í.  Sturla vill líka fá að hætta að borga af láninu ef honum sýnist svo.  Sturla vill líka fá að eiga dótið fyrir hverju aðrir lána honum.  Þeir sem lána honum geta bara átt sig.

Er ekki kominn tími til að þjóðin haldi ærlega söfnun og splæsi í eins og eina til tvær sellur fyrir þennan ágæta mann svo hann hætti að skemmta okkur (hvort sem okkur líkar betur eða verr) með kjánalegum uppátækjum sínum? 


mbl.is Mótmæla innheimtuaðferðum
Tilkynna um óviðeigandi tengingu við frétt

Bravó... botnfall íslenskrar alþýðu mætt til leiks

Það er ljóst að þetta lið (sem kallar sig væntanlega aktívista og á eftir að fá mikla samúð meðal bloggara og fréttamanna Stöðvar 2) er harðákveðið að sanna að ekkert uppátæki er nógu heimskulegt fyrir þau.  Kæmi mér ekki á óvart þó að einhverjar mannvitsbrekkurnar úr trukkamótmælunum hefðu verið þarna. 

Þetta lið er svo úr tengslum við raunveruleikann að það í alvörunni heldur að það fái einhverju áorkað með innbrotum og skemmdarverkum.  Sennilega eru flestir þarna iðjuleysingjar af guðs náð og gangast upp í því að mótmæla öllu og engu, svona eins og þessi Haukur sem virðist finna sér tíma og peningaráð til að mótmæla öllu.

Þetta fólk talar ekki fyrir munn þjóðarinnar, þau eru EKKI málsvarar almennings.  Þó svo að almenningur sé frústreraður og sér fram á erfiða tíma framundan eru flestir það skynsamir að vita að svona uppþot og skrílslæti skila nákvæmlega engu.  Mín vegna má kasta öllu þessu pakki í steininn og láta það dúsa þar, því eitt er víst, við komumst ekki upp úr þessum öldudal á meðan svona örvitar fá að grassera um allar koppagrundir með bullið í sér og kjánaganginn.  Þau skemma miklu meira fyrir öllum hinum sem vilja komast af stað og byggja hér upp.

Krafan um að byggja landið á aumingjum og iðjuleysingjum er fáránleg, það síðasta sem við þurfum er pakk sem skilur ekki verðmætasköpun við stjórn landsins.  Forgangsröðin á EKKI að vera að þenja út bótakerfi og kalla til enn fleiri afætur í kerfið og drepa þannig niður allt atvinnulíf og gera venjulegu vinnandi fólki ókleift að búa hér á landi.  Forgangsröðin á að vera að byggja hér upp frelsi og traust þannig að fólk geti stofnað sín fyrirtæki og grætt á þeim eins og því sýnist (og tapað að sjálfsögðu líka) án afskipta kverúlanta og ljóðskálda sem telja sig vita allt betur.  Núverandi stjórnvöld eiga vesgú að hunskast til að vinna vinnuna sína í þann tíma sem þau voru til þess ráðin og svo skulum við sjá til, en að reka vinnumennina í miðri törninni er svo heimskulegt að bara rithöfundum og atvinnumótmælendum gæti dottið slík heimska í hug. 


mbl.is Réðust inn í Seðlabankann
Tilkynna um óviðeigandi tengingu við frétt

Vindurinn úr iðjuleysingjunum og upphlaupskindunum

Það gleður mig að sjá að mesti vindurinn virðist úr þessu liði sem hefur verið á egóflippi undanfarnar vikur.  Þessir sjálfsskipuðu málsvarar almennings þykjast geta heimtað hitt og þetta "í nafni þjóðarinnar" og tranað fram slöttólfum eins og Þorvaldi Gylfasyni sem einhverju meisturum andans.

Ég vil breytingar, vissulega.  Þó ég styðji ekki núverandi ríkisstjórn þá eru kosningar það heimskulegasta sem hægt væri að gera akkúrat núna, því nú er verk að vinna og þetta pakk sem heimtar kosningar gerir ekkert annað en að þvælast fyrir okkur hinum.  Það að hleypa brjálæðingunum í VG til valda myndi BARA gera illt verra, það er eins öruggt og dagur fylgir nótt.

Mér er nákvæmlega sama hversu oft Þorvaldur Gylfason skrifar sömu greinina í Fréttablaðið (Sjálfstæðisflokkurinn er vondur, kvótakerfið er vont, allt er að fara til fjandans greinina sem hann hefur skrifað vikulega síðan 1992), og mér er nákvæmlega sama hvað Einar Már kemur með snjallar myndlíkingar, þessir álfar vita ekkert um hvað málið snýst eða hvernig við eigum að komast út úr þessu.  Prófessor sem er samvaxinn við inniskóna sína á verndaða vinnustaðnum í Vatnsmýrinni og rykfallinn menningarviti sem heldur að hann sé svo klár að enginn komist nálægt sér eru EKKI mennirnir til að leysa vanda þjóðarinnar.

Og þaðan af síður eru þeir aðilar sem einblína BARA á vandann og kvarta og kveina til þess fallnir.  Pakk sem talar um að nú verði að hækka skatta til að hjálpa öryrkjum og öldruðum.  Jújú, við þurfum að passa upp á alla þjóðfélagshópa, en to be honest people, þá byggjum við ekki upp velferðarkerfi á öryrkjum og bótaþegum.  Hér þarf að tryggja að hægt sé að stofna fyrirtæki, hér þarf að tryggja að fólk geti efnast á eigin dugnaði og að hér geti fólk átt sitt í friði fyrir gírugum krumlum kommúnista og anarkista.

Einar Már naut góðs af góðærinu, fólk spanderaði í bækurnar hans og hann græddi á því.  Þorvaldur Gylfason naut góðs af góðærinu því til var dagblað sem einhverra hluta vegna taldi að hluti pappírs vikunnar væri vel varið í raus hans.  Katrín Oddsdóttir, sjálfskipaður anarkisti og kommúnisti, nemur lög við einkarekinn háskóla sem hefði aldrei orðið til ef hennar líkar hefðu fengið að ráða.  Illugi Jökulsson, sá fýlupúki og merkikerti, hefur verið ritstjóri milljón tímarita sem öll risu og féllu í góðærinu.  Ef góðærið hefði ekki komið til hefði þetta fólk verið enn meira nóboddí en það er í dag.

Það ætti því að fara varlega í að kvarta og þykjast vera heilagri en Jesú.

Nú þarf að tryggja að stjórnvöld loki ekki landinu og breyti okkur í Sovét.  Það er raunveruleg hætta því þau skref sem stigin hafa verið í þá áttina hafa mætt velvilja háværasta stjórnarandstöðuflokksins, VG, hvurs formaður hvatti til þess að framtíð landsins ætti að byggja á skinnaiðnaði, ullarvinnslu, skipasmíðum og áburðarframleiðslu.  One way ticket til sjötta áratugarins.  Hér þurfum við að einkavæðga bankana strax, afnema gjaldeyrishöft og láta markaðinn byggja upp það traust sem hann þarfnast.  Eitt er víst, pólitíkusar byggja ekki upp traust erlendis.

Hættum að hlusta á kverúlantana sem vilja komast til valda og stofna kommúnískt alræðisríki og hættum að vorkenna sjálfum okkur.  Tökum til hendinni og byggjum sjálf upp þjóðfélagið og leyfum náunganum að hagnast eins og honum listir.  Látum markaðinn ráða, því markaðurinn er jú ekkert annað en við sjálf. 


mbl.is Þjóðfundur á Arnarhóli
Tilkynna um óviðeigandi tengingu við frétt

Jólasveinar mættir snemma til byggða...

Já, gerum það. Löbbum um bæinn með meisturum á borð við Ástþór Magnússon og Sturlu bílstjóra. Það eru þá flottar fígúrur til að leiða mótmæli þjóðarinnar.

Þeir sem á annað borð vilja mótmæla og vonast til að hafa einhver áhrif, munu forðast í lengstu lög að vera í sama póstnúmeri og þessir slöttólfar, sér í lagi Sturla. Maðurinn er stórkostlegur álfur og kjánaprik og mér er til efs að nokkur einasta sála taki hann trúanlegan í einu eða neinu.


mbl.is Mótmælaganga niður Laugaveg
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband