Hahahahaha... frekar rýr uppskera

Segja má að hinar sjálfskipuðu hvunndagshetjur hafi birst með skottið rækilega á milli lappanna í dag.  Mikið er gaman að sjá að þessir kjánar virðast óðum að sannfæra þjóðina um eigin vitleysisgang (held að bréfið sem Sturla skrifaði hafi haft mikið þar að segja).

Þessir jólasveinar hafa engin markmið önnur en að pirrast út í allt og alla og kenna öðrum um eigin ófarir og röngu ákvarðanir.  

Hversu margir af þessum 100 ætli hafi verið skólakrakkar í leit að smá upplyftingu?  Hvernig væri nú að Sturla og þessir álfar færu að vinna sína vinnu í stað þess að nöldra í sífellu og hegða sér eins og smákrakkar?  Frekjuköst og yfirgangur skila aldrei neinu til langframa, og trukkararnir eru að læra þá lexíu á gamals aldri. 

Hrópað af þingpöllum

Athugasemdir

[Óskar Helgi Helgason (IP-tala skráð) 15.5.2008 kl. 11:33]

Góðan dag; Liberal !

Mikið óskaplega; hlýtur þú, að hafa það gott. Allt í himnalagi, hjá þér, þótt landar þínir séu að kikna undan okurósómanum.

Viltu ekki helzt; hækka laun þingmanna og ráðherra, enn ?

Skömm; að nafleysingja vesalingum, sem þér !

Með þurrum kveðjum, úr Árnesþingi / Óskar Helgi Helgason

[Ólafur Tryggvason, 15.5.2008 kl. 11:35]

Þú ert nú meiri kjáninn að vera brosa af því að þeim mistakist! ég vona að það sé hlegið að þér í hvert skipti sem þér tekst ekki ætlunarverk þitt, eða nei, það gerist aldrei af því þú hvorki þorir neinu né prufar neitt. Svona klassískur íslenskur kjáni sem allt þykist vita.

Litli kall!

[Hanson (IP-tala skráð) 15.5.2008 kl. 11:37]

hahahaha? mér finnst þetta frekar vera sorglegt. íslendingar eru alltaf sívælandi yfir því hvað þeir hafa það slæmt. öryrkjar, félagsíbúðir, aldraðir, skattar, verðlag, kennarar o.fl. og við höfum ekki viljan til að mótmæla því. sínir bara hvað þessi þjóð er bæld.

[Skaz, 15.5.2008 kl. 11:50]

Mér finnst sorglegt að fólk sé að gagnrýna þessar aðgerðir þar sem að þeir eru að setja fordæmi um það að maður á ekki alltaf að sitja og sætta sig við allan þann ósóma sem ráðamenn láta vaða yfir okkur s.s. eftirlaunadæmið sem tryggir sömu ráðamönnum há laun fyrir enga vinnu ofan á önnur laun.

Það er bara líka líklegt að aðgerðir þessara manna skili sér til allra í landinu ef þær bera einhvern árangur.

Það þarf að veita ráðamönnum aðhald, 4 ára bið eftir að loforð séu efnd að einhverju leyti rétt fyrir kosningar er bara ekki að gera sig lengur. Það er tími tilkominn að værukærir ráðuneytisstarfsmenn og Alþingismenn sem og ráðherrar komi hlutum í verk fyrr en seinna og fari að hugsa um hagsmuni fólksins sem þeir þjóna en ekki bara hagsmuni stofnunarinnar sem er ríkið.

[Guðjón Einarsson, 15.5.2008 kl. 11:51]

Stend svo sannarlega með Sturlu og có þetta er að verða svakalegt þjóðfélag hjá okkur,

þessi ríkisstjórn er vonlaus samfylkingin ætti að kveðja þessa stjón sem fyrst það er ekki sæmandi

fyrir hana að lúta þessari stjórn meðað við hennar stefnu,niður með benzín og olíuverð ásamt fleiru,

ekki klára allveg við bændur,áfram Ísland,farið að hugsa heima stjórnarliðar.

[Ólafur Guðmundsson, 15.5.2008 kl. 11:53]

Hrafnkell (Jack), það er alveg hárrétt hjá þér. En það er alveg óþarfi að beina orðum þínum að Liberal. Frekar ættir þú að beina orðum þínum að þessum mótmælendum.

[Liberal, 15.5.2008 kl. 11:54]

Hrafnkell:  Finnst þér það?  Í alvöru?  Þú ættir kannski að ræða við trukkarana um þá skoðun þína og miðla henni til þeirra.

Látum okkur nú sjá, hópur kjána tekur sig til og er með ólæti og uppisteyt í Alþingishúsinu, rífa kjaft og vorkenna sjálfum sér.  Senda tugum þúsunda áskorun um að koma og taka þátt í vorkunseminni, og fólk almennt ypptir öxlum og neitar að taka þátt í vitleysunni.  Og þá finnst ykkur það út í hött að henda gys að því.  

Landar mínir hafa það velflestir bara ágætt, en það eru hópar fólks sem hefur ekki kunnað fótum sínum forráð undir merkjum fjárræðis og vilja nú kenna öllum öðrum um.  Þetta fólk er ekki fátækt, það er blankt.  Og á því er stór munur.

[Guðjón Einarsson, 15.5.2008 kl. 11:54]

Vantaði eitt r leiðinlegt.

[Stebbi (IP-tala skráð) 15.5.2008 kl. 11:56]

Er fólk algjörlega heiladautt ? Hvað koma þessi mótmæli lífskjörum almennings við ? Nákvæmlega ekki neitt. Þetta snýst um trukkakalla og jeppafólk.

Ef þið viljið mótmæla ríkisstjórninni, eða öðrum vandamálum sem snertir almenning mæli ég með að þið finnið ykkur annan talsmann. Eitt er fyrir víst, hann Sturla talar ekki fyrir hinn almenna borgara.

[Skaz, 15.5.2008 kl. 12:06]

Liberal, þegar þú talar um "flesta" landa þína þá held ég að þú gerir þér alls ekki fyrir þeirri neyslu sem heimilin hafa verið að stunda og að flest heimili lifa á yfirdrætti. Skuldir heimilana eru nógu íþyngjandi hvað þá að rekstrarkostnaður þeirra sé að klifra hraðar en andskotinn. 40kr per lítra hækkun á nokkrum mánuðum er bara einn þáttur í þessari hækkun plús hækkun matarverðs.

Þetta er vissulega ekki byrjað að reka fólk til gjaldþrots strax enda árið ekki hálfnað. En ég spái að um jólin verði mörg heimili komin á það stig sem maður man eftir í kringum 1989-90 og ekki í góðu standi. Ungt fólk sem hefur verið að fjárfesta í húsnæðum og öðru sem fylgir að stofna heimili á eftir að fara helvíti illa útúr þessu.

 Fyritæki s.s. Glitnir eru að segja upp starfsfólki sem er sérhæft og er það að auka á vandann, þetta fólk fer niður í launum að öllum líkindum sem eykur á vanda heimilanna.

Það er þessi þróun sem ég vil meina að þurfi að reka á eftir ríkisstjórninni að stöðva en eins og er þá virðist þeim hentugt að "bíða og sjá" sem er dálítið líkt Geir Haarde. Ríkið þarf að reyna að halda rekstrarkostnaði í því móti sem hann var svo að lánatökur heimilana sökkvi þeim ekki. Á endanum munu gjaldþrot heimilana kosta ríkið meira heldur en hvaða mótvægisaðgerðir sem það grípur til.

[Stebbi (IP-tala skráð) 15.5.2008 kl. 12:10]

"Það eru margir sem hafa það fínt en það er fullt af fólki sem hefur það verulega skítt og aðgerðir stjórnvalda hafa svo sannarlega ekki hjálpað því fólki á nokkurn hátt.
Vextir af íbúðarlánum hafa hækkað það mikið, að fjöldi fólks á nú á hættu að missa húsnæði sitt og matarverð á þessu skeri er svo mörgum sinnum hærra en í öðrum löndum að það er ekki einleikið.
Laun hérna eru líka margfallt lægri heldur en gengur og gerist á hinum norðurlöndunum og almenningur lifir ekkert af dagvinnunni einni saman og þess vegna er fólk að vinna margfalda yfirvinnu til að ná endum saman.  Þetta þekkist ekki á hinum norðurlöndunum."

Hrafnkell minn hvað koma álögur á eldsneyti og hvíldartíminn þessu við ?

Ertu einn af þeim sem trúir því að matarverð eigi eftir að lækka ef við afnemum álögur á eldsneyti ? Þú veist það að mismunurinn á skattinum hjá þeim sem eyðir ekki bensíni á eftir að vera hærri en mismunurinn á matarkörfunni. Ef við ætlum ekki að skera niður þjónustur þá mun ég, og aðrir sem eyða ekki miklu bensíni tapa á því að afnema þessa álagningu.

[Skaz, 15.5.2008 kl. 12:12]

Stebbi : Þetta eru enn sem komið einu mótmælin sem komið hafa fram sem vakið hafa athygli ráðamanna og í raun komið af stað fundum við ráðherra. Þetta er fordæmi sem ber að fylgja og grasrót sem hægt er að víkka út varðandi kröfur.

Íslendingar hafa alltaf verið með þessa stóísku ró sem felur í sér að láta vaða yfir okkur, Noregskonungur, Danir og okkar eigin ríkisstjórn.

Og ég veit fyrir víst að það var yfirlýst stefna 4x4 að þetta væru mótmæli hjá þeim fyrir alla neytendur eldneytis og að þeim bæri sem hagsmuna aðila að mótmæla. Hissa á að rykfelldu möppudýrin hjá FÍB hafa ekki sagt neytt. 

[Stebbi (IP-tala skráð) 15.5.2008 kl. 12:12]

Ehh Skaz ég var að taka þetta fram með matarverðið.

Spurðu hvaða hagfræðing sem er. Ef þú eyðir ekki miklu bensíni, þá þarftu að borga hærri skatta ef þú vilt taka þessa álagningu. Sá mismunur er HÆRRI en mismunurinn á matarkörfunni.

[Stebbi (IP-tala skráð) 15.5.2008 kl. 12:14]

Ég vill ekki að ríkisstjórnin vaði yfir mig. Ég vill sjá mjög miklar breytingar í þessu samfélagi, en ertu virkilega ekki að sjá það að þetta eru ekki réttir aðilar sem þú ert að styðja ?

Þeir eru að berjast fyrir sig, þetta snertir okkur ekki neitt nema þú eigir stóran bíl.

[Stebbi (IP-tala skráð) 15.5.2008 kl. 12:18]

Ætla að bæta einu við. Um leið og það stofnar einhver mótmæli sem mótmælir því sem þið haldið að trukkakallarnir séu að mótmæla, skal ég mæta fremstur í röð.

Hinsvegar má talsmaðurinn ekki vera með hausinn staðsettan í görninni.

[Magnús Ó. (IP-tala skráð) 15.5.2008 kl. 12:20]

Já, 100 af 25000 er ekki hátt hlutfall. Maður veltir því fyrir sér hve margir af þessum 100 hafi verið bílstjórar og vinir þeirra, líklega flestir. Það þýðir að Sturla hefur býsna lítinn stuðnings meðal almennings.

http://www.mbl.is/mm/frettir/innlent/2008/05/14/boda_folk_a_austurvoll_til_ad_motmaela/

Sturla einn með gjallarhornið

http://www.mbl.is/frimg/4/60/460219.jpg

[Þröstur Þráinsson (IP-tala skráð) 15.5.2008 kl. 12:48]

Ég hefði mætt hefði ég vitað af þessu fyrr ! Enginn af mínum vinum og félögum vissi af þessum mótmælum fyrr en of seint. Trukkabílstjórar og aðrir þurfa að skipuleggja svona mótmæli betur (auglýsa betur og fyrr) Orðspor trukkabílstjóra varð fyrir einhverju skaða þegar einn þeirra réðst á lögreglumann. Því miður eru Íslendingar svo einfaldir sumir hverjir að þeir sjá frekar misgjörðir eins einstaklings en frábæra baráttu heils hóps. Það mun koma meira út úr þeirra baráttu en flestum grunar.

Sturla og co tala fyrir alla almenna borgara sem eru að lenda í vandræðum þessa dagana. Það er ansi stór hópur skal ég segja ykkur. Stór hluti af því fólki hefur ekki tíma til að mæta hvenær sem er. Allir er að vinna af sér hausinn.

Þeir sem eru að setja útá þá sem eru að berjast fyrr bættum kjörum þeirra sem verst verða úti, eru sorgleg skinn. Í besta falli fólk sem er vafið í bómul. Fólk sem þarf ekki að hafa neinar áhyggjur af peningum og því að þurfa að berjast fyrir að halda húsakynnum sínum og öðrum fjármálum heimilana.

Tvö dæmi eru nærtæk mér þar sem hlutirnir líta alls ekki vel út upp á frammtíðina að gera. Sem betur fer er ég sjálfur ekki að lenda í þessu og er heppinn.

Ég fell hinsvegar ekki í þá aumyngja gildru að dæma hlutina út frá mínum högum.

8 af hverjum 10 styðja þessa menn. Að þeir mæti ekki er hinsvegar merki um að Íslendingar eru of góðu vanir og ofboðslega meðvirkir. Orðið Sófakynnslóðin á vel við hér.

Þetta er ekki einsdæmi þó. Börn leika sér minna útivið en áður fyrr. Tölvuleikir taka allann tíma þeirra. Fólk fer ekki á samkomur eða klúbbastarf nema að litlu leiti í dag. Samkendinn og samstaðan minka í slíku þjóðfélagi. Það má nefnilega ekki missa af framhaldsseríunni í sjónvarpinu. Árin líða við að horfa á næstu seríu og þá sem kemur þar á eftir. Samheldni fólks hefur einfaldlega minkað af akkurat þessum ástæðum. Við erum orðinn neyslustýrt þjóðfélag og ansi marineruð af þeim upplýsingum sem okkur er ætlað að trúa.

Íslendingar sjálstæð þjóð sagði skáldið. Ég sé ekki mikið sjálfstæði eða báráttu. Meira sé ég hinsvegar af ræflum á Blogginu sem sanna öll mín orð hér. Dulnafnameistarar sem hafa allt á hreinu. "nafnlausar blogg "hetjur" sem setja út á þá sem eru að reyna ! úfff sorgleg grey.

Sumir gleyma algerlega að hugsa eða kunna engann veginn að setja sig í spor annara. Eigandi þessa bloggs er búinn að sanna það.

[Liberal, 15.5.2008 kl. 12:54]

Það sem eigandi þessarar bloggsíðu er búinn að "sanna", er að trukkarar eiga enga samúð, þeir öskra bara og æpa á allt og alla og krefjast þess með frekjulátum að allt sé látið eftir þeim.

Það að hluti þjóðarinnar skuli vera blankur er ekki ríkisstjórninni að kenna, ekki Alþingi... það er honum sjálfum að kenna.  Kannski ef fólk eyddi ekki um efni fram án þess að sjá fram úr því ferli, þá væri þessi hluti þjóðarinnar ekki í þessari aðstöðu. 

Auðvitað geta komið upp tilvik þar sem fótunum er svipt undan fólki svo sem veikindi eða vinnutap, en megnið af fólki sem barmar sér hvað mest hefur það bara ágætt, en er blankt.  Kannski ætti fólk eins og Sturla að hætta að kaupa Stöð 2 þegar að þrengir.  Sleppa því að fara í ferðalag til útlanda.  Selja tjaldvagninn.  Fara að versla í Bónus.  Hjóla frekar en keyra þegar hægt er.  Fara minna í bíó.  Kaupa sér minna dót.  Fólk sem á fullt af dóti og hefur hellings föst útgjöld á mánuði í "munað" hefur engan rétt til að kvarta, það á bara að skera niður hjá sjálfu sér.

Þetta væl í trukkurunum, og mörgum sem heiðra mig með skrifum sínum, er ekkert annað en raus í ofdekruðum einstaklingum sem vilja ekki axla ábyrgð á eigin lífi.  Þið krefjist þess að "ríkið" bjargi ykkur, og að þeir sem eiga gefi ykkur skerf af sínu.  Well.... nuts to you. 

[Ólafur Guðmundsson, 15.5.2008 kl. 13:17]

Skaz, þú komst mér í skilning um þessi mótmæli á annarri bloggsíðu um sömu frétt. Ég læt athugasemd mína koma hér. 

Skaz skrifað, "Og ég vil benda á að þessi ríkisstjórn var ekki að vara fólk við mikilli neyslu þvert á móti þá var alltaf talað um góðærið góða..."

Þarna hittir þú naglann akkúrat á höfuðið. Mótmælendurnir (bílstjórarnir) eru að mótmæla því að ríkisstjórnin varaði þá ekki við þegar þeir tóku lán. Þeir eru sárir yfir eyðslufylleríinu sínu og kenna ríkisstjórninni um. Ástæðan fyrir því að þeir fengu ekki meiri stuðning fyrir sínum mótmælum er líklega sú að fólk vill ekki kenna öðrum um sitt eyðslufyllerí, eða þá að það tók einfaldlega ekki þátt í þessu fylleríi.

[Liberal, 15.5.2008 kl. 13:24]

Ólafur, þarna mælir skynsemin hjá þér.  Rauði þráðurinn í þessu öllu er að þeir sem barma sér hvað mest núna eru þeir sem tóku meðvitaðar ákvarðanir um að koma sér í þá stöðu sem þeir nú eru í, og enginn ber ábyrgð á nema þeir sjálfir.  Og það er þeirra sjálfra að koma sér út úr þessu, ekki okkar hinna.

[Viddi (IP-tala skráð) 15.5.2008 kl. 14:53]

Vá hvað ég er hjartanlega sammála þér elsku liberal minn og ég var farinn að efast um að einhver á íslandi sæi kjarna málsinns sem er einfaldlega eyðsla umfram tekjur og svo stór punktur.

Sturla vill auðvitað fá að keyra lengur en lög gera ráð fyrir þar sem það er þekkt á meðal bílstjóra að undirbjóða hvern annan hægri vinstri og keyra svo þegar upp er staðið á allt of lágu gjaldi,þar af leiðandi þurfa menn að vinna lengur til að borga öll lánin sem tekin eru vegna kaupa á dýrum tækjum og hvað...

Ég hef sjálfur starfað sem flutningabílstjóri og þekki ágætlega til í þeirra hópi og ekki hef ég eitt orð um hann sturlu en hef hins vegar í sömu setningu og nafn hans hefur borið á góma heyrt orð sem ég vill ekki hafa eftir en ljóst er að einungis lítill hópur bílstjóra standa á bak við hann.

Hvíldartíminn á víst við á íslandi þar sem vegir eru allt of mjóir og flestir eru búnir að vinna heilann vinnudag áður en ekið er af stað í 9+ klst.

BULL......

[Ómar Már (IP-tala skráð) 15.5.2008 kl. 15:13]

Stebbi og Liberal! Hvaða rugl er í gangi með ykkur? Haldið þið að olíuverð hafi ekki áhrif á ykkur? Þið borðið þá ekki og drekkið ekki mjólk. Nánast öll matvara kemur til höfuðborgarinnar keyrandi og öll mjólkurvara. Þannig að þegar þið teljið að olíuverð hafi ekki áhrif á matvöruverð lýsir það heimsku ykkar. Öll matvara kemur með faratækjum sem eyða olíu. Það þarf ekki að deila um það. Þannig að óbeint eru þessir menn að berjast fyrir ykkur sem hafið ekki vit á að kynna ykkur málin. Nema ef þið eru það þróaðir að geta lyfað á lofti og vatni einu saman.

[Sævar (IP-tala skráð) 15.5.2008 kl. 15:35]

gott að sjá hvað samkenndin í samborgurum er rík.
fólk eins og Sturla er í atvinnugrein þar sem innkoman hefur hreinlega lækkað vegna ástands sem verður til að miklum hluta vegna stjórnvalda. En höfundur þessara síðu finnst bara djók að hann skuli mótmæla. Sorglegt.

[Liberal, 15.5.2008 kl. 15:38]

Og ég vil veita Ómari sérstök heiðursverðlaun fyrir langsóttustu hundalógík dagsins.  Sturla berst fyrir mig því ég drekk mjólk sem flutt er í búðina mína með bíl sem notar bensín.

Hátt olíuverð snertir mig sem og hátt matvælaverð.  En ég breyti þá bara minni kauphegðun til samræmis við það, en hleyp ekki vælandi með frekjukast í einhverja sem bera enga ábyrgð á málinu.  Sturla mætti kannski tala við vinnuveitendur sína í N1 um það af hverju olíuverð er svona hátt, hæg eru heimatökin.

Andúð almennings á uppátækjum Sturlu og félaga er sprottin annars vegar af hegðun þeirra og hins vegar óljósum kröfum sem virðast ekki í neinum tengslum við raunveruleikann.  Gott og vel að mótmæla, en menn verða að vita hverju menn eru að mótmæla og hafa einhverjar lausnir á reiðum höndum.  Ekki bara vera rosalega pirraðir og frekir og krefjast þess að allir segi bara af sér. 

[Ómar Már (IP-tala skráð) 15.5.2008 kl. 17:18]

Liberal! Hvað er svona langsótt við það sem ég var að benda á? Bentu mér á matvöru sem kemur ekki fyrst frá landsbyggðini. Hvernig ætlar þú að breyta neysluvenjum þínum? Ég veit ekki um neinn stað sem framleiðir matvöru í borgini nema með hráefni sem kemur frá landsbyggðinni. Og henni er keyrt þaðan til borgarinnar. Og Liberal ekki reyndar með bensin bíl heldur díselbíl. Enn og aftur bentu mér á hvernig þú ætlar að breyta neysluvenjum þínum þannig að matvaran lendi ekki á einhverjum tímapunkti í ökutæki sem brennir díseloliu.

[Stebbi (IP-tala skráð) 15.5.2008 kl. 17:32]

Hahah Ómar það er spurning hvort það taki sig að vera að rökræða þetta við þig, þar sem þú segir:

"Stebbi og Liberal! Hvaða rugl er í gangi með ykkur? Haldið þið að olíuverð hafi ekki áhrif á ykkur? Þið borðið þá ekki og drekkið ekki mjólk. Nánast öll matvara kemur til höfuðborgarinnar keyrandi og öll mjólkurvara. Þannig að þegar þið teljið að olíuverð hafi ekki áhrif á matvöruverð lýsir það heimsku ykkar. Öll matvara kemur með faratækjum sem eyða olíu. Það þarf ekki að deila um það. Þannig að óbeint eru þessir menn að berjast fyrir ykkur sem hafið ekki vit á að kynna ykkur málin. Nema ef þið eru það þróaðir að geta lyfað á lofti og vatni einu saman."

Var 2x búinn að minnast á nákvæmlega þetta í þessum pistli. Gott og vel, matvælaverð lækkar um nokkrar krónur, en á móti hækka aðrir skattar. Ef þú eyðir ekki miklu bensini þarftu að borga MEIRA þótt matvælaverð lækkar, því mismunurinn á skattinum á eftir að vera meiri en mismunurinn á matvælaverði. Hinsvegar ef þú eyðir miklu bensíni muntu spara. 

[Ómar Már (IP-tala skráð) 15.5.2008 kl. 17:48]

Stebbi! Hvaða skattar hækka þá? Gerði ríkið ráð fyrir því í seinustu fjárlögum að olíuverðið hækkaði svona? Ekki tók ég eftir því þegar verið var að ræða fjárlöginn.

[Stebbi (IP-tala skráð) 15.5.2008 kl. 18:18]

Núna ertu úti á þekju sýnist mér. Ríkið er búið að taka sömu krónutölu af bensíninu í mörg ár þannig þeir eru ekki búnir að hækka álagninguna.

Hvaða skattar hækka þá ? Ef ríkið afnemur álagninguna þarf annaðhvort að skera á þjónustu eða hækka aðra skatta til að viðhalda vegakerfinu. Þú þarft ekki að vera hagfræðingur til að skilja þetta.

[Ómar Már (IP-tala skráð) 15.5.2008 kl. 18:53]

Stebbi! Nei það er alveg rétt að krónutalan er sú sama í álagningu. En þeir fá meiri skatta í gegnum virðisaukan af sölu til almennigs. Það væri hægt að lækka álögurnar til samræmis auknum virðisaukaskatti. Þess vegna tekur ríkið meira til sín en þeir hafa gert. Virðisaukaskattur er nefnilega skattur. Þannig að ef einhver er út á þekju virðist það vera þú.

[Diddi (IP-tala skráð) 16.5.2008 kl. 04:28]

Sturla er hetja vorra tíma og tekur öllu þessu kjaftæði með stóískri ró. Þegar ölduna lægir stendur hann uppi sem sigurvegari sama hvernig allt þetta fer, hann var sá eini sem þorði að leggja nafn sitt að veði í baráttunni við það sem virtist vera óvinnandi her. Menn eru svoleiðis búnir að rakka þennan baráttumann niður að það hálfa væri nóg. Óttinn við að lenda milli tannanna á mönnunum var eins og hjóm, hvað Sturlu varðar. Hann heldur sínu striki, því hann veit að það er fjöldi þrælsóttaþjáðra vinnumaura þarna úti, sem aldrei taka sumarfrí og tefla heilsu sinni í tvísýnu, bara til að halda andlitinu, því enginn vill lenda milli tannanna á Íslendingi. Sturla aftur á móti er kominn í gegnum þennan múr og nú eru honum allir vegir færir.

[Liberal, 16.5.2008 kl. 08:22]

... og megi þeir vegir taka hann sem lengst í burtu frá sviðsljósinu og okkur hinum.

[Ómar Már (IP-tala skráð) 16.5.2008 kl. 14:31]

Liberal! Ég mundi nú fara breyta textanum sem er útskýring á höfundi. Einstaklingsfrelsi, þú drullar yfir þá sem hafa þrótt til að standa á sínum rétti og mótmæla. Enda eins og ég hef áður sagt virðist þér vera alveg sama þótt allar matvörur hækki.

[Georg P Sveinbjörnsson, 17.5.2008 kl. 13:08]

Sturla og félagar eiga meiri stuðning en þig grunar Liberal þó að fólk sé seinþreytt til mótmæla, þannig hefur það bara verið lengi, Íslendingar eru því miður afar duglausir mótmælendur og láta gjarnan vaða verulega yfir sig og sína áður en skræmt er, þyrftu svo sannarlega að láta heyra betur í sér og flykkjast út á götu....þar á meðal ég.