Loksins pólitíkus sem þorir að segja það sem fólk ÞARF að heyra

Ég hef nú aldrei verið hrifinn af ISG, en þetta er hárrétt hjá henni.  Það er alveg út í hött að reyna að friða skrílinn með einhverjum málamyndaaðgerðum sem skila engu.  Nú er ekki tíminn til að hlaupa á eftir hvaða bloggar sem er sem telur sig vera heilagri en allt sem heilagt er - nú er tíminn til að standa í lappirnar og taka erfiðar ákvarðanir, sama hvað sauðheimskir iðjuleysingjar nöldra.

Það hefði að ósekju mátt skera mun meira niður í utanríkisþjónustunni og í menntamála- og heilbrigðisráðuneytunum og setja stóra hluta þeirrar þjónustu í einkarekstur, þannig mætti ná fram mun meiri hagræðingu og ríkið myndi ekki dæla milljarðatugum í illa rekna heilbrigðisþjónustu.  En einhverra hluta vegna eru stjórnmálamenn hræddir við nöldrandi kommúnista og bloggara sem telja sig málsvara þjóðarinnar.

Gott hjá þér, Ingibjörg, og megir þú eiga þakkir skildar fyrir hreinskilni og yfirvegun.

Hátekjuskattur bara táknrænn

Athugasemdir

[Lárus Jón Guðmundsson (IP-tala skráð) 12.12.2008 kl. 13:21]

Sæll "Liberal"

Það er skondið að þú skulir hrósa öðrum fyrir "hreinskilni" þegar þú sjálf(ur) þorir ekki að skrifa undir eigin nafni.

Þangað til þú þorir að kvitta undir eigin skrif með fullu nafni eru ekkert mark takandi á þér.

jólakveðjur,

Lárus Jón Guðmundsson

[Gunnlaugur Ingvarsson (IP-tala skráð) 12.12.2008 kl. 13:26]

ISG er bara svona "táknrænn" jafnaðarmaður, þar sem jafnaðarmennskan skiptir engu máli því þetta skilur hvort eð er engu að hennar mati.

Alveg typical hægri íhald sem haslar sér völl í vinstri flokki bara fyrir tækifærismennskuna eina saman.

Engar hugsjónir og enginn trú á málstaðnum !

Svo er vopnin sem hún beitir aðeins hroki og yfirlæti.

"Þið eruð ekki þjóðin" sagði hún svellköld.

Svei þessu hyski !

[Liberal, 12.12.2008 kl. 13:35]

Gunnlaugur, síðast þegar ég vissi rúmar Háskólabíó ekki 330,000 manns, þannig að það er ekki möguleiki að þar inni hafi verið "þjóðin".  Það er hámark hrokans að þú, og aðrir, skuli voga ykkur að halda fram að þið talið í nafni þjóðarinnar.

Lárus, ég á sennilega eftir að tapa ca. 2ja mínútna svefni yfir því að þú skulir ekki taka mark á mér.

[A.L.F, 12.12.2008 kl. 13:41]

Furðulegt.

Þú vilt þá auka fátækt hins almenna borgara með því aðeinkavæða menntastofnanir og heilbrigðisstofnanir. Endilega, um að gera að gera fátækum enn erfiðara að mennta sig eða fá læknisþjónustu.

Ég er samt sammála því að hátekjuskattur er ekki svarið, það er ekki svarið að refsa þeim sem komu sér áfram í lífinu. Leita verður annara lausna, en þær lausnir meiga ekki bitna á venjulegu launafólki eins og er að gerast í dag með hækkun á álögum á olíu sem dæmi. 

T.d mætti núna leggja niður öll sendiráð, höfum einfaldlega ekki efni á þeim og spara þar stórfé. Leggja á niður strax niðurgreiðslur á olíukostnaði ráðamanna, reyndar allar niðurgreiðslur sem þeir fá. Það er margt annað hægt að gera en að setja á hátekjuskatt sem mun bitna mest á millistéttinni.

[Lárus Jón Guðmundsson (IP-tala skráð) 12.12.2008 kl. 14:03]

Sæl(l) "Liberal",

þú hefur þá að amk hugleitt þetta, það er alltaf byrjun.  Batnandi manni (konu) er best að lifa, jafnvel í 2 mínutur :-)

Mundu að lýðræðisleg umræða verður að vera  hreinskiptin og fyrir opnum (nafn)tjöldum.  Annars ertu að skipa þér í flokk með leynimakksliðinu og niðurrifsöflunum.  Það sama á raunar við um "Tinnsl", þar er þó mynd en ekki fullt nafn.

Jólakveðjur til ykkar beggja,

Lárus Jón Guðmundsson.

[Elías (IP-tala skráð) 12.12.2008 kl. 14:30]

Liberal er einn af þessu sniðugu hægri mönnum sem misskilur grunn hugtök í hagfræði. Enda auðvelt að blindast þegar maður lítur á stjórnmálaskoðun sína sem trúarbrögð.

[Liberal, 12.12.2008 kl. 14:59]

Þú átt sem sagt við, Elías, að ég sé ekki eins og þú - réttsýnn og alvitur og mín orð eru lög?

Lárus, það er merkileg árátta að vilja alltaf vita HVER er á bak við skoðanir, frekar en að takast á við skoðanirnar sjálfar.  Slíkt kallast hnýsni og á ekkert sameiginlegt með lýðræði (sem er nú mest útúrsnúna hugtak ársins).

Auðvitað vil ég að ríkið hætti að sóa peningum í heilbrigðisþjónustu sem REKSTRARAÐILI, það hefur ekkert með það að gera hvort við séum með almannatryggingakerfi eða ekki.  Það er tvennt ólíkt hver veitir þjónustuna og hver borgar fyrir hana, en einhverra hluta vegna eru vinstrimenn með þá meinloku að þetta tvennt verði að fara saman, og það sé BARA ríkið sem geti gert þetta.  Sorglegt í raun, en svona er lífið.  Það geta ekki allir verið eins og Elías, frábær og meiriháttar og alvitur.

[Gummi (IP-tala skráð) 13.12.2008 kl. 11:55]

Týpískir kampavínskommar. Ekki hægt að eiga eðlileg tjáskipti við þetta lið án þess að það setji út á "nafnleysi", nánast hlægilegt.

Skúli, vertu bara sjálfur úti ef þú þolir ekki frjáls skoðanaskipti. Liberal á jafnmikinn rétt á að tjá sínar skoðanir og þú, nafnleysi eða ekki og ef þú getur ekki svarað honum efnis- og málefnalega þá getur maður gengið út frá því að þú hafir ekki mörg mótsvör.

Eitthvað held ég svörin væru annars eðlis ef Liberal væri talsmaður sósíalismans.

Skúli, ef þú ætlar að búa til einhver svona skilyrði út í hött sem hafa ekkert með frjáls skoðanaskipti að gera, þá geta fleiri leikið sama leik.

Héðan í frá er ekki mark takandi á þér nema þú látir mynd, heimilisfang og bankaupplýsingar fylgja öllum færslum þínum og ef þú getur ekki uppfyllt þau skilyrði: - VERTU ÚTI.

[Gummi (IP-tala skráð) 15.12.2008 kl. 17:31]

Úps - Mín mistök.