Ósammála málstaðnum, en fagna framtakinu

Ég fagna framtakinu, gaman að fá þessar hljómsveitir/söngkonu sem fjöldi fólks finnst gaman að hlusta á (Guð má vita af hverju).

Þau eru náttúruverndarnöttarar, misskilja mikilvægi á nýtingu auðlindanna, en það geta ekki allir haft rétt fyrir sér, en þau berjast fyrir sínum skoðunum og vekja athygli á þeim á uppbyggilegan hátt, ólíkt skemmdarvörgunum sem hafa holað sér niður á hálendinu undanfarin ár.

Nýting auðlinda á Íslandi er nauðsynleg, við spörum heiminum mikla mengun með því að nýta okkar orkulindir frekar en að orkan sé unnin annars staðar í heiminum með mun meiri mengun.

Það einkennir reyndar málflutning öfgafullra náttúruverndarsinna; krafan um að það sé betra að mengun sé meiri annars staðar, en að við leggjum okkar á vogarskálarnar til að draga úr hnattrænni mengun.

Á einhvern hátt finnst þessu fólki betri framtíðarsýn að við verðum öll japlandi fjallagrös í lífrænum lopapeysum án rafmagns eða hitaveitu, náttúruvæn fram í fingurgóma en allslaus.

Verði ykkur að góðu í sumar þegar tónleikarnir eru og góða skemmtun. 

Ísland verði áfram númer eitt

Athugasemdir

[Tryggvi (IP-tala skráð) 5.6.2008 kl. 22:02]

Ég gæti varla verið meira samála þér en það er stundum hægt að nýta auðlindir með meiri virðingu fyrir náttúrunni. 

[Morten Lange, 5.6.2008 kl. 23:19]

Innlitskvitt

+ yfirlýsing um að ég eigi erfit með að skynseminn í því sem þú setur fram í þessari færslu varðandi nýtingu auðlinda. 

( OK : skeið af skynsemi á móti heilli skoflu  af óskynsemi.  Dæmið batnar ekki með að þú afbaki málstað "andstæðinga" þinna ) 

[Arnar Styr (IP-tala skráð) 6.6.2008 kl. 03:29]

Þetta er nú meira bullið í þér Morten.

[Liberal, 6.6.2008 kl. 08:20]

Morten, það er reyndar algengur misskilningur, það bætir nefnilega heilmikið að afbaka málstað andstæðinga minna.  Vinstrimenn hafa hingað til eingöngu og alfarið stundað útúrsnúninga (heill stjórnmálaflokkur er meira að segja til í kringum það áhugamál þeirra), og það virðist ná að blekkja stóran hluta fólks.  Getur verið að þegar vinstrimenn fá skammt af eigin meðulum, þá líki þeim ekki bragðið?