Ekki bjartsýnn á að neitt komi út úr þessu

Ég er ekki bjartsýnn á að neitt komi út úr fundum helgarinnar annað en einhverjar hálfkaraðar málamyndaaðgerðir, í ætt við það sem verið hefur.

Ef Davíð er á þessum fundum má búast við því að engar tillögur verði teknar til umræðu aðrar en honum eru þóknanlegar, og það er löngu ljóst að hann ber ekkert skynbragð á þá hættu sem að okkur steðjar.

Ég hef alla tíð verið yfirlýstur andstæðingur ESB aðildar vegna þess að hingað til hafa hagsmunir okkar ekki farið saman við hagsmuni ESB.  Núna er ég kominn á öndverða skoðun.  Það mun taka okkur um 10 ár að vinna okkur út úr því klúðri sem Davíð hefur valdið (gleymum ekki að málin fóru úr því að vera vandamál yfir í það að vera ragnarök þegar Davíð þjóðnýttu bankann), og ESB aðild gæti flýtt batanum.  Við erum eins og einstaklingur sem þarf að svipta sjálfræði.

Ég held, því miður, að mest verði rætt um helgina atriði sem engu máli skipta í raun og veru, eins og einhver hugmyndafræðilegur ágreiningur um ágæti ESB aðildar, hvort skera eigi niður þetta eða hitt í fjárlagafrumvarpinu, þegar ljóst er að við verðum að fá, fyrir kl. 9 á mánudagsmorgun, staðfestingu á því að hingað inn í landið komi ca. 600 milljarðar í erlendum gjaldmiðli í gegnum ýmsar leiðir, og að við getum sett fram trúverðuga stefnu til framtíðar í efnahagnum, bæði hvernig staðið verður að vaxtaákvörðunum, skipulagi Seðlabanka, og margt fleira.

Til þess hafa fundarmenn til kl. 9 á mánudagsmorgun þegar gjaldeyrismarkaður opnar aftur.  Verði ekki komið með "dúndur" áætlun og skýra stefnu, auk tímalínu fyrir innstreymi 600 milljarða á næstu 1-2 vikum, þá erum við, til að vitna í skáldið, fokkt.

Tekist á um ESB-tillögu

Athugasemdir

[Kristleifur (IP-tala skráð) 4.10.2008 kl. 17:14]

Tignarlega ritað.

[Skúli (IP-tala skráð) 4.10.2008 kl. 17:52]

Það er ótrúlegt að sjá svona skrif hvað eftir annað, að Davíð hafi sett þjóðina í þessi vandræði með þjóðnýtingu Glitnis!

Ástæðan fyrir auknu skuldatryggingaálagi er ekki afðleiðingin: banki var þjóðnýttur, heldur orsökin: þriðju stærsti banki landsins með 2.5 falda þjóðarframleiðslu var kominn í þrot!

Ég get ekki lýst ánægju minni með að einn kjarkmesti maður landsins skuli vera í seðlabankanum. Það eru ekki margir sem standast þessum ræningjum íslands snúning. Hann er síðasta haldreipið okkar áður en þessir stóru fjárfestar ljúka ætlunarverki sínu; að flytja allt okkar fé úr landi kaupandi fyrirtæki, banka og verslunarkeðjur með lánum frá bönkunum og setja þá á hausinn og skilja okkur eftir næstu áratugi að borga undir endaþarminn á þeim.

Þetta eru landráðsmenn sem eru að þjóðnýta Ísland, þegar þeir reyndu að kreista síðustu dropana af okkur úr seðlabankanum þjóðnýtti Davíð einn bankann þeirra...

[Liberal, 4.10.2008 kl. 18:26]

Glitnir var síður en svo kominn í þrot, eins og sýnt hefur verið fram á í vikunni, hins vegar var bankinn í lausafjárþröng.  Það er kannski til of mikils ætlast að fólk eins og Skúli skilji þetta, þar sem hlutirnir hafa verið afbakaðir all hressilega í fjölmiðlum í vikunni, en eftir stendur engu að síður, og er óumdeilt meðal þeirra sem þekkja til í efnahagsmálum, að þjóðnýting Glitnis var galið uppátæki, á engan hátt eðlileg viðbrögð við þeim vanda sem bankinn stóð frammi fyrir.

Það er hins vegar fólk eins og Skúli sem virðist sjá einhverja skynsemi í því að þjóðnýta fyrirtæki af því að honum, og fleirum, finnst lífstíll tiltekinna eigenda hans óviðeigandi.

Þar sannast hinn forni sannleikur um Íslendinga að margir þeirra nærast á því að sjá samlanda sína renna á rassinn, því fólk eins og Skúli er aldrei ánægt ef einhver hefur það ekki eins skítt og hann sjálfur.  

Sem betur fer virðist Skúli samt ekki fá að ráða för í þeirri ferð sem nú skal lagt upp í, og Guð hjálpi okkur ef hann verður spurður álits.   Því miður er sökin alfarið og eingöngu Davíðs Oddssonar að nú sé svona komið fyrir okkur í dag, að hér sé neyðarástand og tvísýnt um framtíð hagkerfisins.  Fyrir viku síðan var hagkerfið í vanda og við blöstu viðfangsefni sem kröfðust lagni og skynsemi.  Þau vandamál voru bankanna, ríkisstjórnarinnar, almennings, og ekki síðst Seðlabankans.  

Það var Seðlabankinn sem ákvað upp á sitt einsdæmi, Davíð Oddsson sem ákvað upp á sitt einsdæmi, að gera vandamál margra að neyðarástandi okkar allra, allt í boði Davíðs.

Skúli virðist ekki skilja þetta.  Sem skiptir svo sem engu máli, molbúahátturinn og þórðargleði fær ráðið ríkjum í vetur, en við sem þjóð náum okkur aldrei á strik fyrr en við hættum að hlusta á nöldrið í fólki eins og honum. 

[Liberal, 4.10.2008 kl. 20:39]

Og SkúliS er þá væntanlega vinstrigrænn badunkadunk kommatittur?  "Auka eftirlit...." "skýrari reglur....".  Og "róa umræðuna" minnir óneitanlega á Svandísi Svavarsdóttur.

Og Davíð setti því miður allt á annan endann með þjóðnýtingu Glitnis.  Hann ber ekki einn ábyrgð á hversu eldfimt ástandið var áður en hann ákvað, að því er virðist upp á sitt einsdæmi, að þjóðnýta bankann, en hann ber fulla ábyrgð á því að við séum einum-leik-frá-að-vera-skák-og-mát.

Má líkja því við að brennuvargurinn segist alls ekki bera ábyrgð á því að bálkösturinn sé brunninn daginn fyrir gamlársdag, það hafi einhverjir aðrir hlaðið hann og skvett á steinolíu.  Þess vegna sé það að hann hafi kveikt í honum aukaatriði.